Башкириын лэсьтэм фильмын одӥгез герой - мумы кион

Киностудилэн пресс-службаезлэн верамезъя, сюжетын пичи башкир гуртын улӥсь ныллэн улонэз возьматӥське. Больницае сюрыса, со улон шоры мукет синмын учкыны кутске. Одӥг эпизодын со улэп кионэн пумиське.

Фильмед дасясьёс кема утчазы кыр пӧйшурез, пӧртэм интыосы  иворъёс сётъязы, но со ӧз юртты. Кионэн кадръёс интые нырысь пуныен снимать каризы. Берло тодӥзы, Уфаын одӥг  семьяын мумы кион будэ шуыса.

Режиссерлэн веремезъя, Кира (кионлэн нимыз) кузёезлэсь туж умой кылзӥське.  Озьы ке но кино лэсьтӥсьёс со вань дыръя котькуд минутсэс сак улӥзы, малы ке шуоно тодыны уг луы, кызьы возёз ассэ кыр пӧйшур.

Фильмлэн кинооператорез - Вячеслав Ложковой. Уфаын улӥсьёслы со тодмо Айнур Аскаровлэн «Отряд Таганок» но «Семья года» фильмъёсызъя. Режиссер Вилюра Исяндавлетова та фильмъёсын ачиз но эпизодъёсын шудӥз.

Уфаысь кион вордӥсь семья, кытын улэ Кира мумы кион, декабрь толэзе Нырысетӥ каналысь «Видели видео» передачае ветлӥз.

Туспуктэм: кинос тудия "Башкортостан".