Арлы йылпумъянъёс лэсьтыса

Алигес Уфаын Башкир историлэн арезлы йылпумъянъёс лэсьтонлы сӥзем форум ортчиз. Отчы трос калык пыриськиз. Ужрадэз усьтыса вераськиз «Всемирный Курултай башкир» огазеяськонлэн Президиумезлэн кивалтӥсез Эльвира Аиткулова. Со республикаын пӧртэм калыкъёслэн тупаса улэмзы сярысь вераз. Соос башкир культураез азинтонын но бадӟым инты басьто шуыса пусйиз.

Бурай ёросысь Азяк гурт поселенилэн администрацияз но Башкир историлэн арезлы йылпумъянъёс лэсьтӥзы. Отчы гуртъёсысь клубъёсын кивалтӥсьёс но пыриськизы. Мамады гуртысь клубен кивалтӥсь Лилия Атнафикова гуртазы ортчытэм ужрадъёс сярысь вераз, калыкъёслэн историзылы сӥзем ужрадъёслы азьпалан но саклык висъяно шуыса пусйиз.  

Фото: https://vk.com/id406473132?z=photo406473132_457241964%2Fwall406473132_1058