«Буйгасьтэм лулы»

Ужрад Вадим Гадиятовичлэн 70 аресэзлы сӥземын вал. Со «Неугомонная душа» нимаськиз. Зэм, Вадим Гадиятовичлэн сюлмыз буйгатскыса уг улы. Со мар ке но выльзэ лэсьтон сярысь сюлмаськонъёсын улэ. Дораз со музей но кылдытӥз ни. Отысь вашкала пӧртэм арбериосты адӟыны луэ. Со школаын дышетыкуз ик вордскем шаерезлэн историеныз, калык-сям йылолъёсын тунсыкъяськем. Кутскем ужзэ ялан азинтэ.

Вадим Гадиятович – куинь книгаослэн авторзы: «Неугомонное детство», «Морская душа», «Человек и его дело». Улосчимылэн творчествоезлы сӥзем ӝытэ В. Гадиятовлэн эшъёсыз, дышетскисьёсыз, коллегаосыз вуизы. Соос авторлы пӧртэмесь юанъёсынызы вазиськизы. Вадим Гадиятович котькудзылы пыр-поч, тунсыко валэктонъёс сётъяз. Библиотекаын ужасьёс авторлэн книгаосызъя презентациос возьматӥзы.

Фото: http://tatbibl.ru/node/1936