Гожъясез буре вайыса

Роман Галяскарович калтасы музъемын вордӥськыса будэм. Солэн вордскем гуртаз, Вылысь Тыхтемын, туннэ литературной ӝыт ортчиз. Сое ортчытон сярысь сюлмаськизы культура юртын но библиотекаын ужасьёс.

Гожъясьлэн творчествоезлы сӥзем ужрадэ Вылысь Тыхтемын улӥсьёс пыриськизы. «Библиотекарь Людмила Петрова Р. Валишинлэн книгаосыныз адӟытон дасяз. Ужрадэ лыктэмъёс гожъясьлэн улонэзлы сӥзем музее пыразы», - вера культура юртэн кивалтӥсь Илюза Камидуллина.

Бӧрысь ужрадэз Р. Валишинлэн «Выль лымы» повестез азинтӥз. Литературной ӝытэ вуэмъёс повестьысь люкетэз тунсыкъяськыса кылзӥзы, асьсэлэсь малпанъёссэс веразы. «Ужрад  туж «шуныт» пӧрмиз. Со чай юонэн йылпумъяськиз», - вера И. Камидуллина.