«Жингыртэ удмурт кырӟан» конкурс йылпумъяськиз

Конкурсын Гран-прилэн кузёез луиз Вязовкаысь Венера Камалтдинова. Нырысетӥ возрастной группаын (18-35 аресъемъёс пӧлын) Калмиярысь Валерия Мардамшиналы вуисьёс ӧз луэ. Кыкетӥ но куинетӥ интыосты люкизы Выль Татышлыысь Линда Гильманова но Елена Нуриахметова.

Кыкетӥ возрастной группаын нырысетӥ инты сётэмын Калмиярысь Светлана Мардамшиналы. Кыкетӥ интыен дунъязы Петропавловкаысь Ирина Минлиаскаровалэсь кырӟамзэ. Куинетӥ интыез люкизы Петропавловкаысь Индира Шайсламова но Выль Татышлыысь Гульфина Кабиокова.

  Профессионалъёс пӧлын устогес луиз Вязовкаысь Валерия Камалтдинова. Кыкетӥ интыез люкизы Вылысь Балтачысь Яна Фазлыева но Улысь Балтачысь Янис Рафиков. Куинетӥ интыын – Улысь Балтачысь Ирина Шайхлисламова.

 Петропавловкаысь Жюлиана Иванова «За сохранение народных традиций» вормисе потӥз, Вязовкаысь Мариалина Нуриахметова – «За творческое горение» номинациын, Улысь Балтачысь Анна Тарханова – «Исполнительское мастерство» номинациын, Вязовкаысь Фирая Туктамышева – «За пропаганду народной песни» номинациын.  

Туспуктэм вылын: Гран-прилэн  кузёез Венера Камалтдинова.