Тодӥськомы на-а удмурт калык чакланъёсты?

Тунсыко ужрад ортчиз БР-ысь Калыкъёслэн эшъяськон юртсы бордын ужась удмурт историяя но культурая центрын. Удмурт кышномуртъёслэн клубысьтыз чеберайёсын тодазы вайылӥзы удмуртъёсын улоназы чакланъёсты. Асьсэ гуртазы али но кутӥськись чакланъёс, азьло анай-атайёссылэсь, песянайёссылэсь-ӵужанайёссылэсь кылэмъёссы - удмурт апай-кенакъёс та ӝытэ трос йырзэс ужатоно луизы.

Улын сётэм троссэ та чакланъёсты асьмеос но тодӥськом ке но, куке малпаськемды вань-а, со асьмелэн калыкмылэн узырлыкез, даурысь дауре утем фольклорез шуыса?

Ӵын инме меӵак выллань тубе ке, кезьыт луоз.
Пуны лымы вылын погылляське - куазь жобаськоз.
Коркан шуланы уг яра – уксёед уз луы.

Ӧс куспын эн сылы - муш пегӟоз.

Толалтэ лымы трос луэ ке, гужем трос зороз.

Ёзвиос висё ке, куазь жобалоз.

Туспуктэм но видео историко-культурной центрлэн группаысьтыз басьтэмын.