Егит кузпалъёс нылпиослы удмурт кылын дышетон видеоос лэсьтыло

Семьяын кык нылпизы ни. Ева нылзы но Эрни пизы удмурт кылын верасько. "Мукет кылъёсты сотэк но тодозы, нош удмуртэз соослы ми пыӵатыны кулэ", - таӵе малпанэн уло егитъёс. Удмурт кылэн тунсыкъяськытыны (нырысь ик асьсэ нылпиоссы понна) Сергей но Настя котьма малпаны дась. Кылем арын Быдӟым нуналлы соос, кылсярысь "Дышетӥськом буёлъёсты" видео дасязы. Туэ Сергей но Настя Анимацилэн калыккуспо нуналэзлы дасязы ньыль ужзэс: "Лыдпусъёс", "Ымныр люкетъёс", "Мугор люкетъёс", "Гурт пудоос но тылобурдоос".

Сергей - художник-аниматор. Котьма ужезлы ӝуткась Настя луэ. Видеооссэс но соос ӵош лэсьто. Суредъёс улӟо но Настялэн куараеныз верасько. Дэмласьком учкыны, нылпиостылы возьматыны та ужъёсты.
Ссылки на видео:
Лыдпусъёс / Цифры - https://www.youtube.com/watch?v=JlyUShAXkcE
Ымныр люкетъёс / Части лица - https://www.youtube.com/watch?v=v0MSI2rH89c&t
Мугор люкетъёс / Части тела - https://www.youtube.com/watch?v=sXMTIVqnMWg&t
Гурт пудоос но тылобурдоос / Домашние животные и птицы - https://www.youtube.com/watch?v=iZIyspEW6AQ