Канлыос "Виноградная лоза" празднике пыриськизы

Ёросысь удмурт огазеяськонэн кивалтӥсьлэн Фаниля Шаймутдиновалэн верамезъя, праздникын ваньмыз виноград котыре пӧлэстӥськемын вал. Солы сӥзьыса трос пӧртэм адӟытонъёс но дасязы. Вераны кулэ, Кушнаренко ёросын кемалась дырысен ни виноград будэтонэн тунсыкъясько. Со ёрослэн гербаз но возьматэмын.

Празднике Канлыысь «Италмас» ансамбль но пыриськиз. Ужрадэ лыктэмъёслы шулдыр удмурт кырӟанзэс кузьмазы «Италмас» ансамбльысь  Айна Фаршатова, Любовь Таипова, Матрена Абсалямова, Тамара Сайфутдинова но Фаниля Шаймутдинова.