Элин нуналэн!

Выль бакча емышъёс, бусыысь октэм выль ю тысьлэсь пыжем выль нянь но мукетыз вылез. Туннэ  удмуртъёслэн выль урожайлы сӥзем "Выль" яке "Элин" праздниксы. Тросэз ӵапак та нуналэз возьмало бакчаысьтызы выль картофкаез гудыса нырысьсэ пӧзьтон понна. Вашкала дырысен та вакыт бусые ю тысь араны-кутсаны пото, нош семьяязы выль картошкаен, кубистаен, кешырен шыд пӧзьто, будэм бакча сиёнъёс, выль ю-нянь понна Инмарлы тау карон кылъёсын вазисько вылэм.

Нош тӥ туннэ выль картофкадэс бичады-а, пӧзьтӥды-а ни? Ӝытозь вакыт вань ай.