Библиотекаын пиналъёсты котьку витё

Алтауысь библиотекаын гуртысь нылпиос понна тунсыко ужрадъёс ӵем радъясько. Пӧсьтолэзь, кылсярысь, кышкытлыкъёслэсь, тылпулэсь утиськонлы сӥзем ужрадэн кутскиз. Бӧрысь пиналъёс пӧртэм арбериослэсь сяськаос, вазаос лэсьтон ужрадэ пыриськизы. Соос асьсэлэсь быгатонлыкъёссэс возьматон сяна, республикаямы ужась заводъёс, вуз поттон предприятиос сярысь вераськизы. «Ромашковый сюрприз» суредъёсын адӟытонзы но пиналъёслэн тунсыко пӧрмиз. Библиотекарен радъям «Загадки русского языка» литературной викторина но нылпиослы кельшиз. Татын пиналъёслэн ӟуч кылъя но литературая тодон-валанзы шараяськиз. Со сяна, нылъёс но пиос асьсэос тунсыко мадиськонъёс малпаллязы, выжыкылъёсысь персонажъёсты тодмазы.

Фото: https://vk.com/id346144207?z=photo346144207_457239463%2Fwall346144207_154