"Тангыра" нош жингыралоз Удмуртиын

Егитъёслэн этнокультуразыя «Тангыра» III-тӥ регионъёс куспын фестивальзы Ижевскын 4-5 сентябре ортчоз. Сое радъясьёс Россиысь калыкъёслэн кылъёсазы кырӟась фолк-рок исполнительёсты ӧтё. Отчы куриськонэз 19-тӥ июлёзь кутозы: https://forms.gle/EqDUQPE5pDhG9xPeA

Ужрад кутскоз Ижкарысь С.М. Кировлэн парказ 16.00 часын. Концерт сяна, этномаркет, этнической кино возьматон чакламын. Фестивальлэн хедлайнеръёсыз - «ТРОЛЛЬ ГНЕТ ЕЛЬ» но «Silent Woo Goore».

Нырысьсэ "Тангыра" 2019-тӥ арын ортчиз. Отчы сизьым регионысь 13 музыкальной проектъёс учкисьёс азьын асьсэлсэь творчествозэс возьматӥзы.

2020-тӥ арын фестиваль DRIVE-IN форматэн ортчиз - учкисьёс артистъёслэсь кырӟамзэс машинаосазы пуксьыса учкизы. Ортчем арын фестивале  Татарстанысь, Марий Элысь, Мордовиысь, Башкортостанысь, Удмуртиысь но мукет регионъёсысь музыкантъёс пыриськизы.

ТАНГЫРА - туала этнокультурая фестиваль

Фото: ru.wikipedia.org