Конкурс выль кизилиосты ӝуатӥз

Калыкъёслэн огъя луон арзы улсын радъяськем конкурс «Сцена единства: сказки и былины народов России» темая ортчиз. Сцена вылын пичи артистъёс Россиысь калыкъёслэсь узыр фольклорзэс возьматӥзы. Та нуналэ Куеда ёросысь куать школаосысь нылпиослэн театр коллективъёссы кужымзэс мертазы.

Удмурт нылпиос но конкурсэ мылысь-кыдысь пыриськизы но удмурт калык выжыкылъёслэсь мур пуштресо луэмзэс возьматӥзы. Озьы конкурслэн йылпумъянъёсызъя, вожвылъяськонын Вуж Шагирт школаысь «Театралы» театр коллектив ( кивалтӥсьёссы Т.С. Неймышева но Е.Ш.Жданова) нырысетӥ интые потӥз. Бадӟым Кусты школаысь «Юные таланты» коллектив (кивалтӥсьсы Д.В. Коврыгина) кыкетӥ интылы кузё луиз. Нош Бадӟым Гондырысь «Калейдоскоп» коллективаысь нылпиослы (кивалтӥсьёссы А.А. Галиева, В.М. Менликаева) куинетӥ инты сётӥзы.

Со сяна, та нуналэ тужгес но тыршыса но быгатыса шудӥсь нылпиосты нимысьтыз номинациосын пусйизы. Кылсярысь, Бадӟым Гондыр школаысь Дарина Султанахметова «Юное дарование» номинациын вормисе потӥз.

Котькуд ар «Театральный бумеранг» конкурс нылпиос пӧлын тужгес но яркыт кизилиосты ӝуатэ. Туэ но вожвылъяськон яркыт но пайдаё ортчиз. Огинэ люкаськем нылпиос быгатэмлыкъёссэс адӟытэмзылэсь сяна, трос тодон валанъёс басьтӥзы, выль эшъёсын узырмизы.

Фото: МБУДО «Центр дополнительного образования» п. Куеда