Дышетӥсьёс конкурсэ пыриськизы

Отчы пыриськем, вормисьёс пӧлын луэм дышетӥсьёсты ӟечкылан ужрад Вылысь Татышлыысь нылпиослы творчествоя юртын ортчиз. Отысь сцена вылэ потӥзы ёрос конкурсын кужымзэс мертам дышетӥсьёс, визьнодасьёс пӧлысь 14 устоосыз. Ӟечкылан кылъёсын дышетӥсьёслы вазиськизы Татышлы ёрос Кенешлэн секретарез Эльмар Хамитов но ёрос администрациен кивалтӥсьлэн социальной ужпумъёсъя воштӥсез Альфия Шайнурова.
Вормисьёс пӧлын луизы удмурт гуртъёсысь дышетӥсьёс но. Выль Татышлы школаысь Ольга Гилимзянова «Творческий поиск» номинациен пусъемын, Аркадий Мардамшин лауреат луиз. Выль Татышлы нылпи садысь визьнодась Светлана Муллаярова (туспуктэм вылын бурысез) «Педагог года ДОО РБ» конкурсын вормисе потыса, конкурслэн республика этапаз но вуылӥз ни.