Котыр дунне чильк-вальк пиштӥз

Выль ар азьын улон интыосты чеберъянлы сӥзем конкурсъёс ортчо. Янаул ёросын таӵе конкурсэ гурт поселениос но мыло-кыдо пыриськизы. Алигес тодмо луизы конкурсын вормисьёс. Соосты Янаул ёрос администрациен кивалтӥсь Салават Гильмиев ӟечкылаз.

Ёрос Кенешлэн организационной ёзэтэныз кивалтӥсьлэн Лилия Ехлаковалэн кылъёсызъя, конкурсэ ваньзы 18 гурт поселениос пыриськиллям, вормисьёсты 7 номинациосъя бырйиллям. Конкурслэн комиссиез гурт поселениостӥ толсур толэзь пумын ортчем.

«Лучшая новогодняя площадка» номинациын Истяк гурт поселениысь удмурт гурт – Банибаш – вормисе потӥз. Кыкетӥ интыез Орловка но Ямады гуртъёс люкизы. Куинетӥ интыын луиз Карманово гурт.

Дышетон юртъёс но конкурсэ пыр-поч дасяськиллям: вормисьёс пӧлын луиз Каймашабашысь школа (туспуктэмъёс вылын). Нош нылпи садъёс пӧлын тужгес чебересь ужъёсынызы висъяськизы Шудек, Орловка но Истяк гуртъёсысь садикъёс. Культура юртъёс пӧлын вормисе потӥзы сандугачъёс.

Вераны кулэ, конкурсэ сельхозпредприятиос но арлы быдэ пырисько вал. Туэ «АгроМ» ООО гинэ заявка келям. Рудольф Шарафутдиновен кивалтно хозяйствоез конкурсэ пыриськемез понна таукаронэн пусйизы.

Фото: Совет СП Иткинеевский сельский совет