Калтасы ёросын сазь гуртэз бырйизы

Ёросын вормисе потӥз Кокуш гурт. «Трезвое село-2025» конкурсэ пыриськисьёсты данъямы. 1-тӥ интыын луиз Кокуш гурт, 2-тӥ интыын – Улысь Тыхтем но Калегино, 3-тӥ интыын -  Чашкино но Выль Кильбахтино, - гожтэ вотэс бамаз Калтасы ёрос администрациен кивалтӥсь Семён Цедилкин. – Кокуш ёросмылэсь данзэ утёз республика этапын. Соослы вормон сӥзиськом. Азьлань!»

Конкурсэ мыло-кыдо пыриськем гуртъёсты вить сюрс манет тыр сертификатэн пусйизы. Солы кузё луиз Бадӟым Качак гурт но. Вераны кулэ, бадӟым качакъёс та конкурсэ нырысьсэ ӧз пыриське. Конкурс улсын соос гуртазы трос пӧртэм ужрадъёс дасязы-ортчытъязы ни, трос ужъёс быдэстӥзы.  

Фото: соцсети