Кибашлы кышномурт конкурсын вормисе потӥз

Та ӧрын но удмуртъёс палэнэ ӧз кыле. Янаул ёросысь Шудек гуртысь Ангелина Менгафарова но Татышлы ёросысь Вылысь Балтачысь Антонида Гильфанова конкурсэ пыриськизы. Ужрадлэн йылпумъянъёсызъя, Антонида Григорьевна «Мастер народной одежды» конкурсын куинетӥ интые потӥз. Кибашлы кышномуртэ дипломен но коньдон сертификатэн пусйизы. Вераны кулэ, Антонида Григорьевналы конкурсэ пыриськыны бадӟым юрттэт возьматӥзы Улысь Балтачысь  "Палэзь" (Рябинушка") калык ансамбльысь кырӟасьёс. Уго соослэн дӥськутсы  пӧлысь тросэз А. Гильфановалэн киосыныз вуремын.  Конкурсын соос эшсылэсь ужъёссэ яркыт возьматӥзы.