Этнофестиваль-конкурсысь удмуртъёс вормонэн бертӥзы

Крезьгур ужрадэ Башкортостанысь Балтач, Бурай, Дюртюли, Калтасы, Краснокама, Мишкино, Стерлитамак, Татышлы, Чишмы ёросъёсысь но Свердловск улосвылысь Ачит ёросысь мордва, пор но удмурт фольклор коллективъёс  пыриськизы. Вить часлэсь  ятыр Мишкиноысь культура юртлэн сцена вылаз финн-угор калыкъёслэн вашкала дырысен туннэ нуналозь но возиськись гуръёссы чузъяськизы.

Этнофестиваль-конкурсын  удмурт калыклэсь  лулчеберетсэ Калтасы ёросысь Бадӟым Качакысь «Зангари» но Татышлы ёросысь  Вязовкаысь «Уӵы ныл» калык ансамбльёс возьматӥзы. Шумпотымон, конкурсын вязовкаос вормисьёс пӧлы пыризы. Соослэсь Быдӟымнал йылолэз возьматон постановказэс жюри куинетӥ интыен пусйиз. «Зангари» ансамбль конкурсын «За возрождение и сохранение традиций финно-угорский народов» номинацилы кузё луиз.