Санкт-Петербургын «Детвора Победы» фестиваль ортче

Отчы Татышлы ёросысь Улысь Балтачысь школаын дышетскисьёс но пырисько: Алексей Адуллин, Ева Гильмаутдинова, Дарина Кайранова кылбур учкытэк веран ӧрын кужымзэс эскеро. Фестивальлэн нырысетӥ этапез онлайн ортчиз. Устооссэ кылбур лыдӟисьёсты очной этапе ӧтизы. «Конкурслэн йылпумъянъёсыз 14-тӥ оштолэзь бере тодмо луозы», - вера дышетӥсьсы Юлия Кайранова.

Вераны кулэ, Алексей, Дарина, Ева кылбур веранъя конкурсъёсы ӵем пырисько, вормонъёс басьто. Быгатонлыксы табере соосты бадӟым городэ вуттӥз. Санкт-Петербурглэн тодмо интыосаз вуылэмзы пыраклы тодазы кылёз.