Нылпиослэн малпанъёссэс верало

Татышлы ёросысь Выль Татышлыысь школаын дышетскисьёс но конкурсэ пырисько. Соос, командаосын ужаса, вить проект дасязы: «Зона отдыха», «Выль дунне» («Новый мир») медиацентр, «Италмас», «Музей будущего» но «Благоустройство новой площадки». Ужъёссы усто пӧрмизы. Соос пӧлысь одӥгзэ быръён понна школаын куара сётон радъяськиз. Отчы 5-10-тӥ классъёс пыриськизы. Дышетскисьёс тросгес куаразэс сётӥзы Валерьяна Мусакаевалэн командаезлэн ужезлы. Табере пиналъёс оско, школаязы «Выль дунне» («Новый мир») медиацентр ужаны кутскоз шуыса.