Башкириын «Лучшие товары Башкортостана» конкурс ортчоз

Отчы пыриськыны заявкаосты 1-тӥ апрелёзь куто. Конкурслы йылпумъян лэсьтозы, котьку сямен, май толэзь пумын яке июнь кутсконын.

Конкурсэ пыриськыны мылкыд карисьёс куронъёсын тодматскыны быгато Росстандартлэн регионысь центрезлэн сайтаз. Стандартизацияя но метрологияя центрын ивортэмзыя, конкурсын котькыӵе продукциез возьматыны луэ. Республика конкурсын вормисьёслэн «100 лучших товаров Росси» быдэсросси конкурсэ пыриськыны луонлыксы кылдэ.

Кылем арын Башкортостанысь 43 предприятие быдэсросси конкурсын вормисёс пӧлын луиз.