Удмурт семья вормисьёс пӧлын

Конкурсэ пыриськисьёс трос луизы ке но, регион этапе Башкортостан Республикаысь 10 семьяос гинэ потыны быгатӥзы. Шумпотымон, соос пӧлын удмуртъёс но луизы. Калтасы ёросысь Ульяна но Андрей Чулковъёслэн семьязы бадӟым ужрадын асьсэды учкымон но данъяськымон возьматӥзы.

Конкурсын Чулковъёс нырысь ик семьязы сярысь веразы, люкаськем калыкез но жюриез быгатонлыкъёсынызы но вормонъёсынызы паймытӥзы. Кыкетӥ турын семьяос  ыльняньлэсь киужъёссэс возьматӥзы. Берло дасям проектсэс жюри азьын утизы.

Та выллем бадӟым ужрадын Ульяна но Андрей Чулковъёслэн семьязы вормисьёс пӧлын луиз. Соослэсь тыршемзэс кыкетӥ интыен пусйизы.

Фото: МБУ ДО ДЮСШ МР Калтасинский район РБ