Калыккуспо ӵошатсконысь – нырысетӥ интыен

Калыккуспо ӵошатсконэ Россиысь 120 устоосыз дорожникъёс пыриськизы. Озьы ик соослэн радазы кужымзэс мертазы Китайысь, Белоруссиысь, Казахстанысь вуэм командаос. Ӵошатсконэ вуэмъёс куать пӧртэм дисциплинаосъя нюръяськизы: «Автогрейдер», «Бульдозер», «Фронтальный погрузчик», «Экскаватор», «Самосвал» но «Автокран».Нимысьтыз техникае пуксьыса, машинистъёс-дорожникъёс спорт ӧрын (гольфлэн куд-ог амалъёсыз), «змейка» сюресэз ортчонын кужымзэс мертазы, каллиграфияя конкурсын быгатонлыксэс возьматӥзы (трос тоннаен механизмъёсты ужазы кутӥзы), Россиын но кунгож сьӧрын лэсьтэм техникаын ужаны устолыксэс адӟытӥзы.

Ӵошатсконын Гран-при басьтӥз «Автодор» СК ООО-лэн командаез. Та командае пыриськиз Ермекей ёросысь Купченей гуртысь Артём Матвеев. Со «Профессионал» категориын «Автогрейдер» дисциплинаын нырысетӥ интылы кузё луиз. Ӵошатсконысь со дипломен, кубокен но 100 сюрс манет тыр сертификатэн бертӥз.

Фото: Ермекеевские новости