Фестивальысь – вормонэн!

Крезьгур творчествоя фестивале 25 ансамбльёс пыриськизы. Соос пӧлын луиз Татышлы ёросысь Выль Татышлыысь «Ӟеч малпан» ансамбль но (кивалтӥсез Ю. Нуриахметов). Ансамбльын кырӟасьёс Марина Низамова, Елена Нуриахметова. Валерий Сабанчин но Юрий Нуриахметов учкисьёслы удмурт гуръёс кузьмазы. Ансамблез фестивальын "Вокально-инструментальное творчество" номинациын 1-тӥ степенё дипломен, коньдон сертификатэн пусйизы. Нош кыкетӥ степенё лауреатлэн дипломеныз Янаулысь Леонид Хазиповез шумпоттӥзы. Вераны кулэ, та нуналэ конкурсын трос удмурт гуръёс чузъяськизы шуыса. Ужрадэ Удмурт Элькунысь ансамбльёс но пыриськизы угось. Татын вормисе потӥз Завьял ёросысь "Тӧдьы юсь" калык ансамбль.