Калтасы ёросын «Семейный альбом» суредаськонъя конкурс ортчиз

Вожвылъяськон ужрадэ покчи классъёсын дышетскись нылпиос пыриськизы. Котькуд пинал быдэстэм ужаз семьязэ гажан мылкыдзэ возьматӥз. Конкурсэ  усто но яркыт суредъёс вуизы. Нош ужрадлэн йылпумъянъёсызъя, интыос тазьы люкиськизы: нырысетӥ но кыкетӥ классъёсын дышетскисьёс пӧлын «Семья – это мы» номинациын Бадӟым Качак школаысь Анастасия Зайнакаева кыкетӥ интые потӥз, нош та школаысь ик Павлина Шакрисламова куинетӥ интылы кузё луиз. Куинетӥ но ньылетӥ классъёсын дышетскисьёс пӧлын Бадӟым Качак школаысь Камилла Шакирзянова но Есения Гарифуллина кыкетӥ интыын луизы, нош Краснохолмскийысь кыкетӥ номеро школаысь Михаил Вагаповлэсь суредзэ куинетӥ интыен пусйизы.