Быдэсросси конкурсысь кыкетӥ степенё дипломен бертӥз

Конкурсэ Москваысь, Санкт-Петербургысь, Белгородысь, Ижевскысь, Нижний Новгородысь, Бугульмаысь, Тверьысь, Самараысь, Саратовысь, Альметьевскысь но мукет городъёсысь пиналъёс пыриськизы. Соос пӧлын луиз Татышлы ёросысь Вылысь Татышлыысь нырысетӥ номеро школаын кыкетӥ классын дышетскись Анастасия Ахметшина но. Сое отчы конкурслэн заочной этапаз  пыриськемез бере ӧтизы. Казаньын со «Художественное слово» секциын быгатонлыксэ возьматӥз. А. Ахметшина Ольга Аникеевалэсь «Мне повезло, я позже родилась» кылбурзэ учкытэк вераз. Дышетскись конкурсысь лауреатлэн кыкетӥ степенё дипломеныз бертӥз.