Балтач ёросын «Тукаевские напевы» конкурс-фестиваль ортчиз. Отчы школаосысь 46 пиналъёс пыриськизы.
Та нуналэ Г. Тукайлэн кылбуръёсыз пӧртэм кылъёсын чузъяськизы. Конкурсэ Асавка школаын дышетскисьёс но – Дарья Шайсламова, Эмилия Шагиахметова, Ника Валинурова, Инесса Миндиярова - вуылӥзы. «Тукай на разных языках» номинациын висъяськизы Дарья (туспуктэм вылын) но Эмилия. Дарья вормись луиз, Эмилия - куинетӥ интыын.
- Конкурсэ кыкетӥ ползэ пыриськи. Туэ Г. Тукайлэн кылъёсызъя «Вордскем кыл» кырӟанэз удмурт кылын быдэстӥ. Ужрадэ милемыз удмурт кылъя дышетӥсьмы Валентина Нуртдиновна Ишназарова дасяз, - вера Д. Шайсламова.
Фото: МКУ "Отдел образования" Балтачевского района