+17 °С
Зоръёслэн
Антитеррор
Вань иворъёс
Конкурсъёс
19 январь 2023, 12:15

Янаул ёросысь Вуж Вараш модельной библиотекаын нылпиослы викторина ортчиз

Выль арез вужмытыса, берпуметӥзэ ужрад туэ понна Выль ар тематикаен дасям бибилиотекаын ужась Марина Хисамутдинова. 

Янаул ёросысь Вуж Вараш модельной библиотекаын нылпиослы викторина ортчиз
Янаул ёросысь Вуж Вараш модельной библиотекаын нылпиослы викторина ортчиз

18-тӥтолшоре библиотекае куное вуизы 4- 5 классъёсын дышетскисьёс. Нылпиослы М. Хисамутдинова Выль арез пумитан йылоллэсь историзэ, Тол Бабаез ӧтён сярысь сярысь вераз. Пиналъёс паймыса кылзӥзы, Русьын Выль арез 1-тӥ январе уг пусъё на вылэм шуыса.

Собере нылпиослы ӵектэмын вал праздниклы сӥзем викторинае пыриськыны. Со куинь турлэсь сылӥз. Нырысетӥяз пиналъёс Выль ар сярысь  юанлы валэктон сётыны кулэ вал.  Кыкетӥ турын Выль арен герӟаськем мадиськонъёсты тодӥзы. Нош куинетӥ турлы ужрадэз нуись "Оскисько-уг оскиськы" форматэн юанъёс дасям. Библиотекарь пӧртэм странаосын Выль ар пумитан йылолъёсты вераз, нош нылпиос солэсь шонер яке янгыш луэмзэ тодыны кулэ вал. Пиналъёс трос выль информация басьтӥзы. Шудонзы тунсыко ортчиз, баллтэк кылемъёс ӧз луэ. Соин ваньзы ческыт призъёс басьтӥзы. Ужрад йылпумъяськиз книгаосын адӟытонэз учконэн.

Туспуктэм: http://stvaryash.yanbibl.ru/?p=3713

Автор:Анна Байдуллина
Читайте нас: