-23 °С
Яркыт
Антитеррор
Вань иворъёс
Конкурсъёс
1 ноябрь , 08:55

"Луиз ке, котьма умой мед луоз", - шуэ егит кылбурчи Ирина Кабипянова

"Луиз ке, мед луоз умой. Иське выронэз ик ӧвӧл". Озьы малпа но улоназ со малпанзэ быгатыса кутэ Татышлы ёросысь Бальзюга гуртысь егит кылбурчи Ирина Кабипянова. Котьма борды мед басьтӥськоз, солэн ваньмыз вылӥ ӟечлыкен луыны кулэ. «Ошмес» газетлэн творческой конкурсъёсаз но, онлайн амалэн радъямъёсаз но Ирина пыриське ке, паймонэз ӧвӧл, нырысетӥ интыос солы сюро ке. Со котькуд уж борды рос-прос, вань тодэмзэ, мылкыдзэ сётыса кутске уго. Алигес Ирина нош республика конкурсэ пыриськиз. 

"Луиз ке, котьма умой мед луоз", - шуэ егит кылбурчи Ирина Кабипянова
"Луиз ке, котьма умой мед луоз", - шуэ егит кылбурчи Ирина Кабипянова

Творческой егитъёслы «Живое слово» конкурсэз БР-ысь Культурая министерство но  Калык творчествоя республиканской центр витетӥ ползэ радъязы. Ужрад туэ «Перо окрылённой души» нимын ортчиз. Отын арлы быдэ кылбуран удысэз но литератураез яратӥсьёс пумисько. Туэ конкурсэ вуизы республикаысьтымы 26 ёросысь но 10 городысь егит кылбурчиос но кылбур лыдӟисьёс – ваньзы 117 кузя. Финалэ потӥзы ӟуч но башкир кылын кылбурась но верась 58 конкурсантъёс.

Кылбураны быгатӥськод бере, сое усто лыдӟыны но быгатэм кулэ. Ирина Кабипянова сыӵе устолыкеныз но висъяське. "Курдем чишмэлэре" конкурсын солэн Гран-при басьтэмез но вань. Черодысь вормонэз – «Живое слово» конкурсын «Авторский взгляд» номинациын кыкетӥ степенё лауреатлэн нимыз. Отчы со аслаз ӟуч кылын гожтэм кылбуръёсыныз мынӥз. Егит кылбурчи жюриын дунъясь башкир поэтъёсын но писательёсын тодматскиз, соослэсь мастер-классъёссэс учкиз. 

Автор:Анна Байдуллина
Читайте нас в