Крезьгуро шудонэз радъяз но ортчытӥз лицейысь музыкая урокъёсты нуись дышетӥсь Г. М. Кашапова. Отчы Янаул ёросысь укмыс школаосысь командаос (быдэн ньыль адями) пыриськизы.
Квест –шудонын пиналъёслы 7станциосты ортчоно луиз: нотаос сизьым угось. Соос музыкая теориез тодонын, кырӟанъёслэсь крезьгуръёссэс тодманын, кроссвордъёс ужанын но мукет конкурсъёсын нюръяськизы. Командаослы тужгес кельшиз «Весёлый оркестр» конкурс.
Жюрилы устоос пӧлысь устоосты быръён капчи ӧй вал. Соин ик вормисьёсты пӧртэм номинациосъя бырйизы. Максим школаысь команда (туспуктэм вылын), кылсярысь, «Лучшие танцоры» номинациын вормисе потӥз, нош Каймашабаш школаысь команда – «Самая весёлая команда» номинациын.
Фото: Мбоу-Оош Максимово