Бадӟым Гондыр школаын арлэсь семьязэ бырйизы

Пермь шаерысь Куеда ёросысь Бадӟым Гондыр школаын дышетскисьёс анай-атайёсынызы «Семья года» конкурсэ пыриськизы.

Зартиновъёс

Туэ конкурс пионерилы 100 ар тырмонлы сӥземын вал. Конкурсын вормисьёсты пӧртэм номинациосъя бырйизы. Конкурс Бадӟым Гондырысь, Кипчакысь но Киргаысь школаосын радъяськиз.

«Пионерская песня» номинациын вормисе потӥзы Фламинг но Гаптиевъёслэн семьяоссы, «Стихи о пионерах и Пионерии» номинациын висъяськизы Петрофановъёс но Чужековъёс, нош «Театрализованное представление о пионерах и Пионерии» номинациын – Шарибзяновъёс. «Стенгазета» номинациын вормисе потӥзы Разяповъёс. Кипчакысь Зартиновъёслэн семьязы «Семья года-2022» нимлы кузё луиз.

Фото: https://vk.com/id545668629?z=photo545668629_457240192%2Falbum545668629_00%2Frev