-3 °С
Салкым
Антитеррор
Вань иворъёс
Конкурсъёс
6 апрель 2022, 11:40

Бадӟым Гондыр школаын «Семья года-2022» фестиваль-конкурс ялэмын

Пермь шаерысь Куеда ёросысь Бадӟым Гондыр школаын дышетскисьёс анай-атайёсынызы «Семья года» конкурсэ пырисько.

Бадӟым Гондыр школаын «Семья года-2022» фестиваль-конкурс ялэмын
Бадӟым Гондыр школаын «Семья года-2022» фестиваль-конкурс ялэмын

Туэ конкурслэн темаез – «Пионерилы – 100 ар». Конкурсын вормисьёсты «Пионерская песня», «Стихи и театральные представления о пионерах и Пионерии» номинациосъя быръёзы. Со сяна, стенгазетаослы конкурс луоз. Бадӟым Гондыр школаен кивалтӥсьлэн воспитательной ужъёсъя воштӥсез Светлана Меляхматова ужрад пумысен вотэс бамаз гожтэ: «Витетӥ апреле нырысетӥез конкурсной нунал вал. Отчы 14 семьяослэн командаоссы пыриськизы. Ваньзы ужрадэ пыр-поч дасяськиллям. Бадӟым тау анай-атайёслы, песяй-ӵужайёслы нылпиоссылы юрттэмзы понна. «Пионерская песня» номинациын вормисе потӥз Петрофановъёслэн семьязы, «Стихи и театральные представления о пионерах и Пионерии» номинациын – Шарибзяновъёслэн семьязы. Та кык семьяос финалын «Арлэн семьяез» ним понна нюръяськозы на. Со 14-тӥ апреле ортчоз».

Фото: https://vk.com/id545668629?z=photo545668629_457240125%2Fphotos545668629

 

Автор:Миляуша Булатова
Читайте нас: