+1 °С
Лымы
Антитеррор
Вань иворъёс
Конкурсъёс
18 южтолэзь 2022, 21:20

Удмурт но башкир выжыосысь командаосты «Байге» ӵошатскон огазеяз

Туннэ, 18-тӥ мартэ, Янаулын «Трезвое село» конкурс улсын "Байге" ӵошатскон ортчиз. Отчы башкир но удмурт выжыосысь командаос люкаськизы. Татышлы ёросысь Улысь Балтачысь «Докъя» команда кузёослэн «Гирей» но «Уран», Дюртюли ёросысь «Канглы» командаослы пумит султӥз.

Командаосты пумитан

Туннэ, 18-тӥ мартэ, Янаулын «Трезвое село» конкурс ортчиз. Отчы башкир но удмурт выжыосысь командаос люкаськизы. Татышлы ёросысь Улысь Балтачысь «Докъя» команда кузёослэн «Гирей» но «Уран», Дюртюли ёросысь «Канглы» командаослы пумит султӥз.

Командаосты шулдыр башкир кырӟанъёсын но эктонъёсын пумитазы. Кужмо воргоронъёслы (котькуд командаын куать пиосмурт шудӥз) трос шуныт кылъёссэс веразы Янаул ёрос администрациен кивалтӥсь И. А. Вазигатов, БР-ысь йӧскалык архивысь ёзэтэн кивалтӥсь А. Ш. Ярмуллин, ёросысь башкиръёслэн курултаенызы кивалтӥсь Р. З. Яхин. Соослэн верамзыя, азьвыл «Трезвое село» конкурсэ башкир гуртъёс гинэ пыриськизы. Нош берло аръёсы отын удмуртъёс асьсэды мыло-кыдо возьмато.

«Конкурс бере тамак кыскисьёс пӧлын но, оло, урод сямзэс куштӥсьёс луозы», - вераз Ильшат Вазигатов.

Туннэ, 18-тӥ мартэ, Янаулын «Трезвое село» конкурс улсын "Байге" ӵошатскон ортчиз. Отчы башкир но удмурт выжыосысь командаос люкаськизы. Татышлы ёросысь Улысь Балтачысь «Докъя» команда кузёослэн «Гирей» но «Уран», Дюртюли ёросысь «Канглы» командаослы пумит султӥз.

"Аркан тартыу"

Конкурсэз гозы кыскан бордысен кутскизы. Тани возь вылэ «Гирей» но «Докъя» выжыосысь командаос потӥзы. Шӧдӥське, соос огзы но вормонэз капчиен уз сётэ. Оп-оп-оп! Котыре чузъяськизы батыръёслэн куараоссы. Соос вӧзы ватсаськизы ӵошатсконэз учкыны лыктэмъёслэн кесяськемзы: «Докъя», «Гирей». Кужмогес луизы Татышлы ёросысь пиосмуртъёс. Нош «Уран» командаен пумиськонын соос вормонэз кузёослы келязы. Нырысетӥ конкурсын докъяос огъя кыкетӥ интыын луизы.

Алексей Самирзянов  Докъяос нырысетӥ конкурсын зол кужымзэс возьматӥзы.
Докъяос нырысетӥ конкурсын зол кужымзэс возьматӥзы.Туспуктэм:Алексей Самирзянов

"Перекатывание тюка"

Кыкетӥез конкурс «Перекатывание тюка» нимаськиз. Отчы пиос быдэс командаенызы пыриськизы: куинез рулонэз огпала донгизы, мукетъёсыз – берен интыяз. Докъяослы «Уран» командаысь пиосын кужымзэс эскероно луиз. Финише кузёос ӝоггес вуизы. Татын улысь балтачъёс куинетӥ интыын луизы.

Алексей Самирзянов  Турын капчи вылымтэ
Турын капчи вылымтэТуспуктэм:Алексей Самирзянов

"Тарт-эт"

Куинетӥяз конкурсын командаосысь тужгес шаплы но кужмо пиос шудӥзы. Со «Тарт-эт» нимаськиз. Докъяослэн командаысьтызы Дмитрий Гильманшин шудонэ пыриськиз. Солы пумит Дюртюли ёросысь команда понна шудӥсь воргорон султӥз. Д. Гильманшин, оло, шӧдыса но ӧз вутты, кызьы со башкир выжыысь пиосмуртэз котыртэм сьӧры корен донгыса поттӥз. «Тӥни кыӵе кужмоесь мынам командаысь пиос!», - котырысьтыз учкисьёслы данъяськыса сямен вераз докъяос понна кылкутӥсь волонтёр. Но, жаляса верано, улысь балтачъёслы кузёослэсь командаоссэс вормыны ӧз кылды ни.

Алексей Самирзянов  Кин кужмогес?
Кин кужмогес?Туспуктэм:Алексей Самирзянов

"Сана-тартыу"

«Сана-тартыу» конкурсын пиослэсь пукыӵен ыбылӥськыны быгатэмзэс эскеризы. «Ыбылӥськисьёсты интыязы тӧдьыен нуоно. Сое куинь адями кыскоз, кыкезз – донгоз»,- кылӥськиз судьялэн куарез. Тӧдьыез кысконын-донгын котькудӥз команда зол кужымзэ возьматӥз ке но, ыбылӥськонын нокинлы ӧз удалты – пукыӵлэн ньӧлыз я вылӥе, я улэгес бышкалскиз. Дышетсконо на, лэся, пукыӵен ыбылӥськыны...

Алексей Самирзянов  Ӝог бызёно, ӟеч ыбылӥськоно
Ӝог бызёно, ӟеч ыбылӥськоноТуспуктэм:Алексей Самирзянов

«Башкирская эстафета»

Туж тунсыко луиз «Башкирская эстафета» конкурс. Стартэ султӥзы «Уран» но «Докъя» командаос. Ӵошатсконэз радъясьёс соослы кор сётӥзы. Сое куинь пуклёлы вандыса, пильылоно. Нош корез вандыны вуэмзылэсь азьвыл музъем вылэ тыбырынызы выдыса ӝуткаськоно, пе, луоз. «Корез вандыны вуытозь, сое киысьтыды куштоно ӧвӧл» - валэктӥзы судьяос. Улысь балтачъёс конкурсэз ӝог но капчиен ортчизы. 

Алексей Самирзянов  Кин пу ӝоггес дасялоз?
Кин пу ӝоггес дасялоз?Туспуктэм:Алексей Самирзянов
Алексей Самирзянов  Конкурсъёсын Улысь Балтач гурт поселенилэн администрациеныз кивалтӥсь Э. Б. Рахимзянов но кужымзэ эскериз.
Конкурсъёсын Улысь Балтач гурт поселенилэн администрациеныз кивалтӥсь Э. Б. Рахимзянов но кужымзэ эскериз. Туспуктэм:Алексей Самирзянов

Кинъёс вормизы?

Дыр вуиз ӵошатсконлы йылпумъянъёс лэсьтыны. Вормисе потӥзы кузёос - "Уран" командаысь пиос. Янаулъёс кыкетӥ интыез но палэнэ ӧз лэзе. Солы "Гирей" команда кузё луиз. Нош улысь балтачъёс но дюртюлиос куинетӥ интыез люкизы. 

Алексей Самирзянов  Конкурс ӟеч мылкыд кузьмаз.
Конкурс ӟеч мылкыд кузьмаз.Туспуктэм:Алексей Самирзянов

Учкисьёс юрттӥзы

Ӵошатсконын командаослы конкурсъёсты капчиен ортчыны учкисьёс но юрттӥзы. Шумпотоно, татын удмуртъёс понна висисьёс трос луизы шуыса. Ёросысь удмурт гурт поселениосысь учкисьёс трос вуиллям вал уго. Соос пӧлын ик луизы Татышлы ёросысь Кызыл-Ярысь "Марӟан"ансамбльысь  чебер удмурт калык дӥськутэн лыктэм песяйёс.

 

 

Алексей Самирзянов  Кызыл-Ярысь песяйёс.
Кызыл-Ярысь песяйёс. Туспуктэм:Алексей Самирзянов
Автор:Оля Нигаматуллина
Читайте нас: