Шай кенерзэс воштыны малпало

Пумиськонъёсын гуртын улӥсьёс кыӵе уж быдэстон сярысь малпанъёссэс шараязы. Чиндэръёс гуртысь ӵыпетсэс выльдонэз но муромытонэз, выжзэс тупатонэз, Быдӟым Атыкай оже пыриськемъёслы обелиск лэсьтонэз, шай кеньырзэс тупатонэз валтӥсь ужпумъёсын лыдъязы. Собраниосын та юанъёсты эскеризы но огкылэ вуизы: туэ шайзылэсь кенерзэ выльдыны тыршозы.

Чиндэрын улӥсьёс та проектэн нырысьсэ уг пайдаясько ни. Кылсярысь, 2019-2020-тӥ аръёсы соос гуртысьтызы ульчаоссэс тупатӥзы, щебень вӧлдӥзы.

- Гурт поселениысьтымы гуртъёсысь шайёсты утялтӥмы ни. Чиндэрысь тупатоно на, - вера Бадӟым Качак гурт поселенилэн администрациеныз кивалтӥсь Геннадий Хайдаршин. – Бадӟым Качакын но шай кенерез воштыку ППМИ программаен пайдаяським, нош Кугарчино но Кургак гуртъёсын та ужез быдэстыны «Реальные дела» программа юрттӥз. Наратово гуртын спонсоръёс, гуртысь потэмъёс коньдон сётӥзы. Качкин-Турайын шайез кемаласьгес тупатӥм ни. Конкурс пыр потыса, оскисько, Чиндэрын но та бадӟым ужез быдэстомы.