+1 °С
Лымы
Антитеррор
Вань иворъёс
Конкурсъёс
21 декабрь 2021, 15:00

Туганеевоос «Сазь гурт» ним понна нюръясько

Туэ Калтасы ёросысь куинь удмурт гуртъёс «Трезвое село» республика конкурсэ пырисько. Соос пӧлын – Бадӟым Туганеево. Конкурс улсын гуртъёсын пӧртэм ужъёс быдэстӥсько, ужрадъёс ортчыло.

Туганеевоос «Сазь гурт» ним понна нюръясько
Туганеевоос «Сазь гурт» ним понна нюръясько

Бадӟым Туганеевоын тыршись, ужез гажась калык улэ шуыса, утялтэм урамъёстӥ ортчыса, йыг-йыг юртъёсты адӟыса но валаны луэ. Чебересь юртъёс куноосты доразы ӧтьыса выллем сыло. «Милям гуртамы тыршись калык улэ. Мукет гуртъёсын семьяен юисьёсты пумитаны луэ, милям сыӵе семьяос ӧвӧл. Урамысь но юэм муртэ уд пумита. Вуз карон юртамы но курытсэ уг вузало», - вера гуртысь клубен кивалтӥсь Ольга Диязова.

Туганеевоос гуртазы ортчись ужрадъёсы, субботникъёсы мыло-кыдо пырисько. Кылсярысь, туэ гуртсы вӧзысь ньыль ошмесъёсты тупатӥллям. «Бадӟым тау шуисько гурт калыклы, котькыӵе уже, ужрадъёсы пыриськемез понна. «Марӟан» фольклор ансамбле ветлӥсьёслы но бадӟым тау. Соос - ужам нырысетӥ юрттӥсьёсы», - вера О. Диязова.

Бадӟым туганеевоос Выль арез пумитанлы сӥзем ужрад но ортчытӥзы ни. Урамысь кыз котыре трос калык люкаськиз. Ужрадлы тужгес шумпотӥзы пиналъёс. Тол Бабай но Лымы ныл соослэсь кылбуръёссэс кылзӥзы, кузьымъёсын шумпоттӥзы.

Калтасы ёрос администрациен кивалтӥсьлэн воштӥсез Елена Алексеева но Бадӟым Туганеевое вуылӥз. Ужрад сярысь вотэс бамаз со гожтэ: «Большим желанием, здоровым рвением к победе в республиканском конкурсе "Трезвое село" большетуганеевцы организовали встречу Нового года. Дружные, трудолюбивые, активные, как одна большая семья, дети с уважением к старшим, взрослые с желанием передать национальные традиции молодому поколению, провели замечательный праздник. С наступающим Новым годом, всем жителям и гостям желаем здоровья, успехов и конечно победы!»

Фото: https://vk.com/feed?z=photo540254646_457239140%2Fwall540254646_158

Автор:Миляуша Булатова
Читайте нас: