Туэ фестивальын Куеда муниципал округлэн администрациеныз кивалтӥсь Анатолий Верхоланцев вераз: «Бадӟым тау ваньдылы, туала секыт улонын но кырӟанъёсты пыр задор, капчи мылкыд, ӟечезлы оскон кузьмамдылы. Артистъёс луэмен, пурысь нуналъёс яркыт буёлэн шобырско. Тау тӥлелды Куеда округез пӧртэм краевой, калыккуспо но быдэсросси конкурсъёсын быгатыса возьматэмды понна».
Фестивале Куеда ёросысь удмурт гуртъёсысь – Гожанысь, Бадӟым Гондырысь, Кипчакысь, Вуж Шагиртысь - коллективъёс но пыриськизы. Отын тужгес устоосты кырӟасьёсты, коллективъёсты дипломъёсын пусйизы. Соос пӧлын луизы Бадӟым Гондырысь «Тюрагай» калык ансамбль но «Уӵыпиос» нылпи коллектив.
Котькуд номер яркыт дасямын вал. Учкисьёс фестивале вуэмъёсты кужмо кичабонъёсын келязы.
Фото: https://vk.com/club179556569?z=album-179556569_282192877
Туспуктэм вылын: Вуж Шагиртысь "Рябинушка" ансамбльын кырӟасьёс.