Студентъёс «Лесное многоборье-2021» конкурсэ пыриськизы

Арлы быдэ Россиын «Лесное многоборье» конкурс радъяське. Отчы нюлэс ӧрын ужаны тодон-валан басьтӥсьёс пырисько. Туэ ӵошатсконын Башкортостан понна нюръяськизы Уфаысь лесотехнической техникумын дышетскисьёс: Дим Баймухаметов, Сергей Семёнов, Регина Сабитова. Соослы юрттӥськиз дышетӥсьсы Константин Оленёв.

Ӵошатсконын 25 командаос кужымзэс мертазы. Соос пӧртэм этапъёсты ортчоно луизы:

I этап – «Основные работы на лесосеке».

II этап – «Отвод и таксация лесосеки в спелых древостоях».

III этап – «Воспроизводство лесов».

IV этап – «Имитация тушения лесного пожара».

V этап – «Федеральный государственный лесной надзор».

Башкортостанысь команда ньылетӥ этапын кыкетӥ интые потӥз.

«Лесное многоборье» конкурс «Экология» нацпроектлэн «Сохранение лесов» федерал проектэз улсын радъяське. Сое Россиысь Нюлэс хозяйствоя федерал агентство радъя.