Кытын тужгес ческыт кумыс лэсьто?

Башкириын кумыс лэсьтӥсьёс 14-тӥ гудырикошконэ куспазы ӵошатскозы - кин тужгес ческыт но пайдаё юон лэсьтэ. Ужрад "Акбузат" ипподромын ортчоз. Нунал ӵоже башкир калыклэсь тазалыклы пайда сётӥсь юонзэ лэсьтӥсьёс асьсэ продукцизэс жюрилы возьматозы, собере теорияя экзамен сётозы. Конкурсэ пыриськисьёслы "котырес ӝӧк" но чакламын. Отын вал утён но кумыс лэсьтон удысысь ужпумъёсты эскерозы. Со сярысь иворто БР-ысь Минсельхозлэн пресс-службаяз ужасьёс.

Та нуналэ ик "Акбузат" ипподромын "Терра Башкирия" валэн ӵошатскон ортчоз. Отчы Дюртюли, Салават, Хайбулла, Чишмы, Иглино ёросъёсысь командаос пыриськозы.

Туспуктэм: ufa.aif.ru