Асавкаысь нылъёс тӧролэн ёлкаяз вуылӥзы

«Башкортостан» кун концерт залэ республикаысь 1000-лы матэ нылпиос люкаськизы. Тӧролэн ёлкаяз вуизы ӟеч дышетскисьёс, пӧртэм олимпиадаосын, спорт ӵошатсконъёсын вормисьёс, фестивальёслэн лауреатъёссы, анай-атайтэм нылпиос, нимысьтыз военной операцие пыриськисьёслэн нылпиоссы. Соос понна тунсыко программа дасямын вал: выжыкылысь геройёсын пумиськизы, Тол бабаен ӵош шулдыръяськизы, кузьымъёс басьтӥзы.  

Балтач ёросысь Асавка школаын дышетскись апай-сузэръёс но – нимысьтыз военной операциын бырыны шедем Рустам Хурамшинлэн нылъёсыз -  тӧролэн ёлкаяз вуылӥзы.

Фото: МКУ "Отдел образования" Балтачевского района