Башкортостанын «Внимание – дети» профилактической акция кутскиз

Со 7-тӥ оштолэзёзь кыстӥськоз. Телеграм-каналаз со сярысь ивортӥз Башкириысь валтӥсь кун автоинспектор Владимир Севастьянов. «Акцилэн валтӥсь ужпумез – сюрес вылын нылпиослэсь тазалыксэс утён. Та вакытэ бадӟым саклык висъяськоз нылпиосты машинаын шонер нуллонэз чакланлы, - гожтэ В. Севастьянов. - Дышетон юртъёсын ӵош тематической акциос, пӧртэм пумиськонъёс но конкурсъёс радъяськозы». Валтӥсь кун автоинспектор анай-атайёслы но сюрес вылын сак луыны курыса вазиськиз. Солэн кылъёсызъя, нылпиос трос дыръя анай-атайзылэсь адӟем каро.