Башкортостанысь егитъёс "Толсур" шудонэ люкаськизы

Отчы Бадӟым Качакысь, Чиндэрысь, Качкин-Турайысь но Кургакысь командаос пыриськизы. Соосты выль шудонэнызы ӟечкыласа вераськизы Бадӟым Качак гурт поселенилэн администрациеныз кивалтӥсь, Башкортостанысь удмуртъёслэн национально-культурной центрзылэн Калтасы ёросысь филиалэныз кивалтӥсь Г. Д. Хайдаршин, Калтасы ёросысь культура ёзэтэн кивалтӥсь Г. В. Лисков. Соос нылпиослэн анай кылзэс но культуразэс утьыны тыршемзы пумысен шумпотэмзэс веразы.

 Шудонын егитъёс творческой номеръёссэс возьматӥзы, Башкортостанысь удмуртъёс сярысь тодон-валанзэс эскеризы, удмурт калык шудонъёсын шудӥзы. Ужрадын Качкин-Турайысь пиналъёс вормисе потӥзы.