"Дуно марӟанъёс" фестиваль но "Территория трезвости" форум ортчозы

16-тӥ оштолэзе Татышлы ёросысь Улысь Балтач гуртын Россиысь устолыкъя но калыкъёслэн чеберлыко кылёсбурзыя арлы сӥзем удмурт фольклор коллективъёслэн «Дуно марӟанъёс» регионъёс куспысь фестивальзы радъяськоз. Отчы Башкортостанысь, Удмурт Элькунысь но Пермь шаерысь фольклор ансамбльёс пыриськозы.

Та нуналэ ик «Территория трезвости» регионъёс куспысь форум но ортчоз. Форумын пӧртэм секциос ужалозы. Соос тазалыклы, тазалыко улонлы, лулчеберетлы, дышетонлы, газет-журналъёслэн азинскемзылы сӥземын луозы. Форумез радъясьёс оскыто, та нуналэ нокинлы мӧзмыт уз луы шуыса. Кибашлыос но татысь трос тунсыкозэ адӟыны быгатозы, соос понна мастер-классъёс радъяськозы. Соин отчы вань мылкыд карисьёсты ӧтё.

Туспуктэм вылын: Илиш ёросысь Ташкичиысь "Пинал сюлэмъёс" ансамбль.

Фото: Маргарита Бабаева.