Мылкыд карисьёс Бадӟым удмурт диктант гожтыны быгатозы

Башкортостанысь удмуртъёс но 2-тӥ апреле анай-кылъя тодон-валанзэс эскерыны малпало. «Ми арлы быдэ Бадӟым удмурт диктант гожтӥськомы, - вера Янаул ёрос библиотекаысь удмурт секторен кивалтӥсь Вероника Файзуллина. -  Туэ но солэсь палэнэ ум кыле».

Диктант гожтыны малпаськомы ми но, «Ошмес» газетлэн редакцияз ужасьёс. Кылем арын корреспондентмы Анна Байдуллина 100 баллы гожтӥсь 50 адямиос пӧлы шедиз бере, милям но визьмес сынаны мылкыдмы ӝутскиз.