Башкортостанэ ньыль миллионлы матэ туристъёсты витё

Кылем арысь лыдпусъёсын ӵошатыса, со 16 процентлы тросгес луэ. «Интурмаркет-2022» калыккуспо туристической адӟытонэ вуылыкуз со сярысь ивортӥз республикаысь Туризмъя кун комитетэн кивалтӥсьлэсь ужзэ быдэсъясь Ренат Фаткуллин. «Туэ республикаямы одно ик 3,5 миллион туристъёс вуыны кулэ. Оскиськом, та лыдпус ньыль миллионозь но вуыны быгатоз шуыса», - вераз со.

Туризмъя кун комитетэн кивалтӥсьлэсь ужзэ быдэсъясьлэн кылъёсызъя, куартолэзе республикаын экологической туризм кутскоз. Со сяна, туэ Башкортостан «Туризм и индустрия гостеприимства» национальной проект улсын школьной туризмъя пилотной проектэ пыриське. Со витетӥ-укмысэтӥ классын дышетскись пиналъёслы одӥг нуналэн туръёс радъяны юрттоз. «Гужем каникулъёс куспын 11 сюрс пиналъёс республикаен тодматскыны кулэ. ПРоектэз быдэстыны 70 миллион манет конбдон висъяське», - ивортӥз Ренат Фаткуллин.

Туспуктэм: ИА "Башинформ"