Чернушкаысь удмурт семьяос конкурсэ пыриськизы

Отчы Рафиковъёслэн, Арслановъёслэн но Шайсламовъёслэн семьяоссы пыриськизы. Соос калык сям-йылолъёсты, сиён-юонъёсты тодэмзэс, кырӟаны-эктыны устолыксэс но мукет быгатонлыкъёссэс возьматӥзы. Конкурсэ пыриськисьёс пӧлысь тужгес пиналэзлы одӥг арес но 10 толэзь луиз. Со – Инна Рафикова.

Конкурс ньылетӥ ползэ ортчиз. Сое Чернушка ёросысь удмуртъёслэн огазеяськонзы радъя. Туэ котькудӥз семья пӧртэм номинациосын вормисе потӥз. Рафиковъёслэн семьязы, кылсярысь, «Хранители родословной» номинациын кужмогес вал, Арслановъёслэн  - «Хранители национальной кухни» номинациын, Шайсламовъёслэн – «Хранители нацональных традиций» номинациын. Вераны кулэ, Валентина но Денис Рафиковъёслэн егит семьязылы юрттӥськыны анай-атайёссы но вуизы.