Башкириысь семья празднике 170 сюрс тюльпанъёс будэтэм

«Иглинские вести» газетлэн ивортэмезъя, Башкириысь Фаттаховъёс 8-тӥ мартлы туэ 170 сюрс тюльпан будэтӥллям. Соос тюльпанъёслэсь 24 пӧртэм видъёссэ будэто, пе. Тӧдьы, горд но ӵуж сяськаос котькинэ шумпотто.

Илиза Фаттахова вера: «Та ужмы борды кутскыку теплицамы пичи вал.1000-лы матэ сяська будэтӥмы вал. Туэ тюльпанъёсмылэн лыдзы 170 сюрслы ӵоша. Выль теплицамылэн быдӟалаез 600 квадрат метр. Татын ваньмыз сяськаослы будыны каньыл мед луоз шуыса тупатэмын. Кылсярысь, воздушной вентеляторъёс, фитолампаос пуктэмын но мукет. Тюльпан будэтон уж борды куарусён толэзе кутскиськом. Коньывуон толэзь кутсконын луковицаосты мерттӥськом. Юрттӥсько матысьёсмы, бускельёсмы, эшъёсмы. Сяскаосты одӥген но, оптом но вузаськом».

Фото: ИА "Башинформ".