Нылкышноосты суредаськыны дышетӥзы

Калтасы ёросысь Бадӟым Туганеевоын трос пӧртэм ужрадъёс ортчыло. Соос «Трезвое село» республика конкурсэ пырисько уго.

Та нуналъёсы гуртэ «Семья» центрын ужасьёс вуылӥзы. Соос бадӟым туганеевоосты суредаськыны дышетӥзы. «Пумиськонмы туж тунсыко ортчиз. Та нуналэ ми школаын дышетскон аръёсты тодамы ваимы, парта сьӧрын пукем дырмес син азямы пуктӥмы, - вера гуртысь клубен кивалтӥсь Ольга Диязова. – Ужрад нылкышноослы туж кельшиз. Суредаськеммы бере милемыз синпель кузьымъёсын но шумпоттӥзы на».