Бадӟым Туганеевоысь нылкышноос куасэн нискылало

Соин та нуналъёсы отын трос пӧртэм ужрадъёс ортчыло. Гуртысь нылкышноос но конкурсын вормон понна сюлмасько. Соос нуналлы быдэ сямен куас вылэ султыса кыре потало. Шонерзэ вераса, нылкышноос кемаласен ни таӵе амалэн шутэтско. Нош та нуналъёсы соос куасэн ветлонзэс Пекинын ортчем олимпиадаын биатлонъя ӵошатсконын куинетӥ инты басьтэм Эдуард Латыповлы сӥзизы. "Ми улосчиенымы данъяськиськом но солы выль вормонъёс сӥзиськом", - шуо туганеевоос.