Илиш ёросын Башкортостанысь удмуртъёслэн национально-культурной центрзылэн филиалэз ужалоз

Татчы Башкортостанысь удмуртъёслэн национально-культурной центренызы кивалтӥсь Л. Л. Зидымаков, солэн воштӥсез, Татышлы ёросысь Улысь Балтач гурт поселенилэн администрациеныз кивалтӥсь Э. Б. Рахимзянов но «Ошмес» газетын ужасьёс вуизы. Со сяна, ужрадэ пыриське Илиш ёрос администрациен кивалтӥсьлэн социальной ужпумъёсъя воштӥсез Р. Н. Хаертдинов. Люкаськонлэн валтӥсь мугез – Илиш ёросэ Башкортостанысь удмуртъёслэн национально-культурной центрзылэсь филиалзэ кылдытон. Татысь филиалэн кивалтӥсе быръемын Илиш ёросысь культурая дворецысь методист Сильвия Шайдуллина.