Вуж Варашын арбузлы сӥзем ужрад ортчиз

Янаул ёросысь Вуж Вараш гуртысь библиотекарь Марина Хисамутдинова гожтэ: «Кызьы пусйимы Арбузлэсь нуналзэ? Пиналъёсын кыре пикнике потӥм. Нылпиослы инкуазь, бакча емышъёс, будосъёс сярысь мадиськонъёс дасяй. Пиналъёс юанъёслы валэктонъёс утчазы. Шара лыдӟиськон радъямы. В. Осеевалэсь, Н. Носовлэсь, Е. Пермяклэсь, А.Пушкинлэсь веросъёссэс бырйимы. Та нуналэ валтӥсь инты висъямы В. Катаевлэн «Дудочка и кувшинчик» книгаезлы. Пиналъёс ужаны яратӥсьтэм нылашен, Женяен, тодматскизы. Лыдӟиськонэн герӟаськем ческыт праздник тунсыко ортчиз».

Нош 4-тӥ августэ Вуж Варашысь клубын ужасьёс но библиотекарь нылпиосты «Однажды летом…» шудон программае люказы. Нылпиослэн дырзы чылкыт омырын, пӧртэм шудонъёсын шудыса ортчиз. Соос доразы задор мылкыдын бертӥзы.

Фотоос "вк" вотэс бамысь басьтэмын.