Татышлы ёросын коронавирусэн нюръяськонлы сӥзем брифинг ортчиз

Татышлы ёросын арнялы быдэ коронавирусэн нюръяськонлы сӥзем брифинг ортче. 22-тӥ июле сое ёросысь валтӥсь эмчи Н. Ф. Зиятдинов нуиз. Черодысь брифингын Нияз Фаритович трос саклык висъяз кышкыт пыктосъёсын висисьёслэсь тазалыксэс утён пумысен вераськонлы. Валтӥсь эмчилэн кылъёсызъя, соослы коронавируслы пумит прививка пуктонлэсь палэнтӥськоно ӧвӧл.

Туннэ нуналэ ёросысь гурт поселениос пӧлын вакцина пуктон ласянь азьпалан луэ Вылысь Татышлы гурт поселение. Кыкетӥ интыын -  Калмияр гурт поселение. Татын калыклэн 41,2 процентэзлы вакцина пуктэмын.

Тодады вайытӥсько: Башкортостанын "Здравоохранение" национальной проект быдэстӥське.